Sosialy

Varotra hani-masaka Omena fiofanana ireo mpivarotra ao Antehiroka

Sosialy
Zoma 08 Aprily 2022

Tena hiankinan’ny fahasalamana ny sakafo hanina. Anisan’ireny ny sakafo hamidy eny amoron-dalana izay handraisana fepetra manokana manomboka izao ho an’ny kaominina Ambohibao Antehiroka,

tarihin’ny Ben’ny tanàna Atoa Lalaina Vatosoa. Rehefa tsy manara-penitra mantsy izy ireny dia mety hiteraka fahapoizinana ara-mitarika mankany amin’ny fahafatesana mihitsy ka tsy azo hatao kilalao. Tranga misy hatrany izany isan’andro ho an’ny hopitaly HJRA etsy Ampefiloha. Hisy araka izany ny fanentanana ireo mpivarotra ao amin’ity kaominina ity. Tsy maintsy manana fitaovana toy ny vitrine…. avokoa ny mpivarotra rehetra mivelona amin’izany hametrahana ireny composé ireny. Tsy maintsy misy fitaovana fanasan-tanana ihany koa hiarovana amin’ny loto sy ny mikraoba…. Arahina fanaraha-maso ny fampiharana ny hetsika aorian’izany izay vao mety ho tonga any amin’ny fanasaziana raha araka ny fanazavan’ity Ben’ny tanana ity hatrany. Ho an’ny kaominina Antehiroka moa izay fandraisana fepetra izany fa andrasana kosa ny an’ireo kaominina hafa.
Pati
Legende : Atoa Lalaina Vatosoa, Ben’ny tanànan’ny kaominina Ambohibao Antehiroka