Sosialy

Vahaolan’ny vidim-bary midangana Ataovy betsaka ny vary afarana, hoy ireo mpivarotra

Sosialy
Alarobia 25 Novambra 2020

Nivoaka tamin’ny fahanginana ny mpivaro-bary manoloana ny resabe mandeha fa

izy ireo no tena manararaotra mampiakatra ny vidim-bary eny an-tsena ankehitriny. Tsy avy aminay loatra izany hoy ny mpivarotra iray teny Anosibe na dia misy aza ireo manao ny hataony tsy mametraka mazava ny vidim-bary hamidiny eny an-tsena. Hatrany am-potony mihitsy no mampidangana ny vidim-bary hoy izy. Efa tapitra mantsy ny fararano, lany ihany koa ireo vary nafarana niparitaka teny an-tsena, raha efa miditra ao anatin’ny vanim-potoanan’ny main-tany isika izao. Mamilafila na tsy manome ny vokatra hananany mihitsy ireo tantsaha noho izany. Misy aza hoy hatrany ity mpivarotra iray ity efa hitalahoana andro maromaro mihitsy vao mety hivarotra izany ka tsy maintsy alaina amin’ny vidim-bary hamarotana azy ny fiakaram-bidy nanaovan’ilay tantsaha azy. Vahaolana omen’ireo mpivaro-bary eto amintsika ny Fitondram-panjakana araka izany ny tokony hampidirana betsaka ny vary nafarana hahafahana manentsina ny banga. Tafiditra ao anatin’izany ny fampidinana ny hetra alaina amin’izy ireny hahafahana miady amin’ny krizy ara-tsakafo.

Pati