Sosialy

UN REPAS POUR MILLE Sahirana 800 nofahanana sakafo maimaimpoana

Sosialy
Alatsinainy 30 Desambra 2019

Olona sahirana miisa 800 no nofahanan’ireo mpilatsaka an-tsitrapo sakafo maimaim-poana tetsy amin’ny EPP Analakely ny faran’ny herinandro teo ho fizarana fifaliana amin’izy ireo noho ny fahatongavan’ny fetin’ny Noely sy ny faran’ny taona.

Anisan’ny nahazo tombontsoa tamin’izany ireo niangaran’ny vintana monina eny La Réunion kely…. Nambaran-dRtoa Hilda Hasinjo, anisan’ireo angady nananana ny hetsika fa izao no nataon’izy ireo dia entina hanomezana hafaliana ireo sahirana eny fa na dia indray andro monja aza ka mba hahatsiarovany fa miaina toy ny olon-drehetra mitovy aminy izy. Mbola hitohy hatrany ny hetsika, hoy hatrany izy. Mikasika ny politika hoenti-miady amin’ny fahantrana dia nomarihiny manokana fa an’ny fanjakana izany raha anjarany ny mijery izay mba kely vitany tahaka izao. Tafiditra ao anatin’ilay « Un repas pour mille » andiany fahatelo ny hetsika.

Patty