Sosialy

Tsy voaloa vola Hiato ny asa fanarenana ny tsena ao Toliara

Sosialy
Alakamisy 20 Oktobra 2022

Mihisatra ary mety hikatso ny asa fanarenana ny Bazaribe sy Scama ao Toliara. Mpiasa an-jatony no ho very asa manaraka izay.

Resa-bola no voalaza fa antony. Tombanana hatrany amin'ny 80% ny asa tontosa nefa tsy misy vola azo fa dia ilay orinasa nahazo ny tsenan'asam-panjakana no nianto-tena nanaovana ny asa hatreto. Manomboka miantraika any amin’ny kitapom-bolan’ny orinasa anefa ankehitriny ny vesatry ny fandaniana amin’ny fampitaovana, ny akora, ny karaman'ny mpiasa ka dia nanapa-kevitra ny fitantanana ny orinasa fa hiroso makany amin'ny fampiatoana ny asa mandra-pisy fandoavam-bola avy amin'ny fanjakana. Anatin’ny fandaharanasa "Programme d'Appui et de Développement des Villes d'équilibre" na PADEVE II ary vatsian'ny Frantsay amin'ny alalan'ny AFD (Agence Française de Développement) vola, ny fanarenana ireo Bazary ao Toliara ireo. Araka ny loharanom-baovao dia efa nirotsaky ny mpamatsy vola any amin’ny Tahirimbolam-panjakana ny anjara birikiny fa ny fanjakana mitantana azy no mampandry adrisa lava amin'ny fandoavam-bola.
Jean D.