Sosialy

Tsy fitandremana sa mosavy ? Nisy lame tao anatin'ilay mofo dibera

Sosialy
Sabotsy 09 Mey 2020

Mpanjifa mofo dipaina voahosotra dibera iray omaly maraina no namoaka tamin’ny tambajotran-tserasera facebook fa nisy lame tao anatin’ilay mofo novidiany tranga niseho tany amin’ny distrikan’i Nosy Be.

Mpivarotra mandehandeha no nividianany izany izay mivarotra vonona sy azo hanina avy hatrany raha sendra noana saingy soa ihany. Efa tsy hita teo amin’ny toerana nivarotany intsony moa ilay mpivarotra vao tazan’ilay nividy azy ilay lame tao anaty mofo ka tsy nisy azo natao intsony. Lasa velom-panahiana noho ity tranga ity moa ity mponina any an-toerana. Kely foana mantsy dia mety hahafaty, indrindra fa raha ankizy no manjifa izany.

Pati