Sosialy

Tsy fanjarian-tsakafo eto Madagasikara Hahena hatrany amin’ny 32%

Sosialy
Alarobia 05 Desambra 2018

Raha niompana tamin’ny ady amin’ny tsy fanjarian-tsakafo mahery vaika mpahazo ny zaza hatrany ny ady nataontsika teto Madagasikara tato anatin’ny folo taona lasa izay dia haompana amin’ny ady amin’ny tsy fanjarian-tsakafo mitarazoka indray izany manomboka izao.

Raha ankizy latsaky ny roa taona lasibatry ny tsy fanjarian-tsakafo mitarazoka daholo mantsy, hoy ny tompon’andraikitra eo anivon’ny ofisim-pirenena miady amin’ny tsy fanjarian-tsakafo no hananantsika eto Madagasikara dia mazava ho azy fa tsy afaka handray anjara amin’ny fampandrosoana ny firenena mihitsy izy ireny. Tsy ho hita taratra ao aminy akory mantsy ny haranitan-tsaina sy ny fahavitrihana, hoy hatrany ity tompon’andraikitra ity. Nohavaozina ny politikam-pirenena hoenti-miady amin’ny tsy fanjarian-tsakafo eto amintsika. Natolotra ny mpiara-miombon’antoka tetsy amin’ny hotel Colbert izany omaly mba ho tombontsoan’ny rehetra. Tsiahivina moa fa raha 47 % ireo ankizy lasibatry ny tsy fanjarian-tsakafo manerana ny nosy dia efa nidina ho 38 % ankehitriny. Tanjona anefa ny mbola hampihena izany hatrany amin’ny 32 % ao anatin’ny folo taona ho avy.

Pati