Sosialy

Tsy fanjarian-tsakafo any atsimo Mety mbola hiampy 10% mihoatra ny vinavina

Sosialy
Alarobia 15 Jolay 2020

Araka ny maridrefy momba ny tsy fanjarian-tsakafo na IPC dia mety ho tafakatra 527.000 any ny isan’ireo ho tratran’ny krizin-tsakafo any amin’ny faritra atsimon’ny nosy na ilay antsoina hoe “IPC Phase 3”.

Tafakatra hatrany amin’ny 23%n’ireo mponina indray, araka izany, raha ny vinavina no mety ho tratran’izay krizin-tsakafo izay. Izany hoe hiampy 10% mihoatra ny vinavina natao ny volana oktobra 2019 teo. Mikasika ireo ho tratran’ny tsy fanjarian-tsakafo mitarazoka ary mila fanavotana maika kosa na “IPC Phase 4”dia ahiana ho tafakatra hatrany amin’ny 27.400 isa na ny 1%n’ireo mponina nanaovana fanadihadiana, hoy ny avy eo anivon’ny rafitra iraisam-pirenena, Afrika risk view.

J. Mirija