Sosialy

Tsy fanajana zon’olombelona Naharay fitarainana miisa 297 ny HCDDED

Sosialy
Alarobia 24 Jona 2020

Miisa 297 ireo fitarainana voarain’ny filankevitra ambony momba ny fiarovana ny demokrasia sy ny tany tan-dalàna eto Madagasikara ny taona 2019 sy 2020, raha ny tatitra nataon’izy ireo teo anivon’ny antenimierandoholona etsy Anosikely omaly.

Efa voadinika ny 70%n’ireo ary eo an-dalam-pijerena ny 30% ankehitriny ity rafitra niorina ny taona 2018 ity. Misy hatrany ny fidinana an-tsehatra ijerena ireo zava-misy, raha ny fanazavan’ny filohan’ny HCDDED, Navony Pierre Lenoble, ary voadidin’ny lalana laharana 2015 – 001, nivoaka ny 12 febroary 2015, hanao tatitra isan-taona ato amin’ny lapa maitso izahay. Isan’ireo nidinana ifotony i Alaotra Mangoro, Sofia, Diana, Boeny, Atsinanana, Analanjirofo. Ny 118 isa ireo dosie voadinika ka 45 tao Moramanga ary 73 tao Ambatondrazaka. Miisa 25 ireo raharaham-pitsarana mikasika fandikana zon’olombelona. Raha fehezina dia mikasika izay resaka zon’olombelona izay avokoa ny 54,90%n’ireo fitarainana voaray. Resaka tany tan-dalana ny 38,52% ary demokrasia ny 7,37%, raha ity tatitra ity hatrany.

J. Mirija