Sosialy

Tsimialonjafy Efa hita ny nofo mangatsiakan’izy mivady lehibe

Sosialy
Sabotsy 26 Janoary 2019

Ny alakamisy alina teo no hita soa aman-tsara ny vatana mangatsiakan’izy mivady lehibe, nipetraka tamin’ny trano farany ambany indrindra etsy Tsimialonjafy Ambaninampamarinana.

Izy mivady lehibe ireo no zokiny indrindra teo an-tanàna. Efa tena simba tanteraka ny razana raha ny fanazavana azo teo anivon’ny sampana mpamonjy voina. Toy ny razana efa nalevina tany ambanin’ny tany nofongarina indray mantsy izy ireo. Na izany aza mbola hita tsara ny tarehiny. Ilay Ramatoa lehibe no hita voalohany tamin’ny 9 ora alina tany. Nanaraka azy kosa ilay Rangahy lehibe vadiny, tokony ho tamin’ny 11 ora alina. Asa nosahanin’ny sampana mpamonjy voina faramparany sisa omaly ny nijery ireo vatobe ahiana mbola hianjera sy ireo hazo efa antitra. Ao koa ireo ranontany eny amin’ny manodidina. Mikasika ireo mponina eny an-toerana manokana moa dia tsara ny mampahatsiahy fa vitsy sisa ireo tsy nanaiky ny hiala tanteraka amin’ny tranony. Ho an’ireo traboina kosa dia mbola tazonina etsy amin’ny INFP Mahamasina izy ireo hatramin’ny omaly. Nahatratra 16 isa ireo namoy ny ainy vokatr’iny loza nitranga teny Tsimialonjafy tamin’ny sabotsy 19 janoary hariva iny.

Pati