Sosialy

Tsenan’ny “Bidon” Rehefa misy rano tapaka ihany vao tena mandeha

Sosialy
Alarobia 30 Janoary 2019

Tsy mandeha isan’andro ny tsenan’ny “bidon” fangalana rano raha ny fanadihadiana natao tetsy Ambalavao Isotry omaly.

Isaky ny misy rano tapaka ihany vao tena mandeha hahafahan’ny isan-tokantrano manangon-drano. Anisan’ireny ny tamin’ny tapa-bolana lasa izay nisian’ny rano tapaka teny amin’ny faritra 67 ha sy Isotry iny. Amin’ny andavanandro kosa dia mijanona ho iray na roa isan’andro ihany no lafon’ny mpivarotra iray. Raha araka ny fanadihadiana natao anefa dia efa tena mora ny vidin’ny bidon ary raha miakatra aza izany dia avy any am-potony toerana fakana azy mihitsy. 3.000 Ar ny iray amin’ireo mahazaka rano 20 litatra raha 2.000 Ar kosa ireo mahazaka rano 5 litatra. Amin’ny ankapobeny dia ilay mahazaka rano 20 litatra no tena be mpividy indrindra ary saika mividy azy avokoa ny sarangan’olona rehetra. Ho an’ireo karazana sinibe miloko manga mahazaka 240 litatra kosa dia manodidina ny 60.000 Ar no vidin’ny iray ka ireo olona any amin’ny faritra no tena mividy azy.

Pati