Sosialy

TSENAN’NY AKOHO AMAM-BORONA Maina tamin’ny fetin’ny Noely

Sosialy
Alakamisy 26 Desambra 2019

Maina ny tsenan’ny akoho amam-borona nandritra ny fankalazana ny fetin’ny Noely omaly alarobia 25 desambra.

Saika akoho fakana nofony na ireo gana efa maty avokoa mantsy no novidian’ny isan-tokantrano teny an-tsena noho ny halafosan’ny vidin’ny gisa sy ny vorontsiloza. Nahatratra 150.000 Ar mantsy ny iray tamin’ny vorontsiloza lehibe raha 60.000 Ar ny gisa. Nisy nahatratra 30.000 Ar ihany koa ny gana lehibe sahaza ho an’olona dimy na enina mianaka raha toraka izay ihany koa ny akoho. Maty antoka ny ankamaroan’ireo mpivarotra noho izany na dia mbola hisy aza ny fankalazana ny fetin’ny faran’ny taona sy ny taona vaovao. Nomarihin’ireo mpivarotra moa fa amin’ity faran’ny herinandro ity sy amin’ny fiandohan’ny herinandro ho avy io sisa no farafanantenan’izy ireo ny amin’ny varotra hataony.

Pati