TSENAN’ANDRAVOAHANGY

Nentanina mba hahalala fahadiovana ny mpivarotra

Sosialy
Alarobia 27 Martsa 2024

Ireo mpivarotra no anisan’ny lohalaharana amin’ny fandotoana ny tsena avy amin’ireo karazana kojakoja hampiasainy sy hamidiny.

Fako 200 grama isaky ny mpivarotra raha kely no haparitak’izy ireny na avelany amin’ny toerana avy hivarotany isan’andro. Antony mampahazo vahana ny loto sy ireo karazan’aretina eto amintsika izany, ka tsy maintsy nandraisana andraikitra.
Nisy araka izany omaly Talata maraina tokony ho tamin’ny 03 ora ny fidinana ifotony teny amin'ny tsenan'ny tantsaha Andravoahangy, notanterahin’ny delegen’ny Boriborintany fahatelo Razafimandimby Rija Ethel. Fanentanana ireo mpivarotra mikasika ny fahadiovana no natao tamin’izany. Tsy tompon-toerana fa tompon'andraikitra mantsy ireny delege ireny hoy ny PDS Richard Ramanambitana fa asa fa tsy kabary intsony. Tokony ho vita tahaka izao avokoa moa ny fanentanana ireo mpivarotra manerana ireo Boriborintany enina eto an-drenivohitra, raha tena mandray ny andraikiny avokoa ireo tompon’andraikitra.

Pati