Sosialy

Tsenan` Antarandolo- Fianarantsoa Hahazaka mpivarotra 400 isa

Sosialy
Sabotsy 09 Mey 2020

Nidina nijery ifotony ny asa fanamboarana ny tsenan` i Antarandolo ao Fianarantsoa ny ministry ny atitany sy ny fitsinjaraham-pahefana, Tianarivelo Razafimahefa.

Mitentina 1 miliara ariary ny tetikasa ary vinavinaina amin` ny volana jona izao ny fahavitan` ny asa na dia ao anaty « service minimum » ny fanatanterahana izany. Mpivarotra manodidina ny 400 isa no zakan` izany tsena izany ka ny hampihena isa an` ireo mpivarotra amoron-dalana ao Fianarantsoa no tena tanjona. Nanamafy moa ny lehiben` ny faritra Matsiatra Ambony fa aorian` ny fanamboarana dia hisy hatrany fitsirihana isaky ny distrika mba hahafahana maka ny hetahetan` ny vahoaka amin` ny fisitrahana fotodrafitrasa toy izao.

Marigny A.