Sosialy

Tsena vaovao Behoririka Omena ny hafa ny karatr’ireo mpivarotra tsy tonga

Sosialy
Alarobia 08 Septambra 2021

Nanao fampilazana omaly ny Kaominina Antananarivo Renivohitra (KAR) fa misy amin’ireo mpivarotra nahazo karatra no mbola tsy nandray ny toerana voatokana

ho azy ireo ao amin’ny tsena vaovao Behoririka sy ny tsena vao navaozina ao Antaniavo. Napetraka ny fandaminana vaovao, hoy ny voalaza, ka omena ireo mpivarotra hafa izay miandrandra ny hiditra ao amin’ny tontolon’ny ara-dalàna izany karatra izany. Entanina ihany koa ireo mpivarotra rehetra anaty magazay tsy hamoaka ny entam-barotra eny amoron-dalana. Hisy sazy omena azy ireo raha toa ka tsy voahaja izany lamina izany, hoy hatrany ny avy eo anivon’ny KAR.
J. Mirija