Sosialy

Tsena sy fanjifana Tsy mahavelona intsony ny varotra akoho amam-borona

Sosialy
Talata 19 Aprily 2022

Tsy mahavelona intsony ny fivarotana akoho amam-borona, raha ny nambaran'ny mpivarotra tetsy Analakely ny sabotsy teo.

Efa fety ny andro nefa mbola vitsy ny mpanjifa, hoy izy ireo. Nangina tanteraka ny tsena. Zara raha nahalafo 2 na 3 ny tapakandro maraina. Raha ny taloha nefa dia herinandro mialoha dia efa mandeha be ny tsena. Efa nampoizina izao noho ny fahasahiranana izay efa iaraha-mahita. Efa tsy naka entana betsaka toy ny mahazatra intsony izahay, hoy hatrany ny mpivarotra. Mbola atahorana aza ny tsy hiverenan'ny mason-karena ka tsy afaka hanodina vola. Tsy niakatra ny vidin'ny akoho amam-borona tamin'ity taona ity. Ho an'ny akoho manokana, manomboka amin'ny 12.000 ariary ny vatombatony raha manomboka eo amin'ny 14.000 ariary ny gana ary ny gisa sy vorontsoloza kosa dia manomboka eo amin'ny 35.000 ariary eo, hoy hatrany ireo mpivarotra.
J. Mirija