Sosialy

Tsena Soamanatombo Tsy tafiditra izay tsy manao arotava

Sosialy
Zoma 22 Janoary 2021

Efa mampihatra feno sy tanteraka ireo karazana fepetra napetraky ny

prefektioran’Antananarivo ireo tobim-piantsonana rehetra eto an-drenivohitra. Ho an’ny tobim-piantsonana etsy amin’ny Fasan’ny Karana ohatra dia tsy maintsy mandalo ilay “tunnel désinfectant” avokoa ireo olona mifamezivezy ao an-toerana no sady tsapaina hafanana. Nametrahana toerana fanasan-tanana ihany koa isaky ny biraon’ny koperativa arahin’ny fanaovana arotava sy ny fanosorana gel. Toraka izany koa ny any anaty tsena rehetra manerana an’Antananarivo renivohitra. Tsy mahazo miditra any anatiny intsony ireo mpividy tsy manao arotava toy ny hita etsy Soamanatombo. Tsy maintsy manasan-tanana daholo ihany koa eo am-pidirana, arahin’ny fanajana ilay elanelana 1 metatra. Izany no hatao moa dia mba hahafahana miaro ny rehetra tsy ho lasibatry ny valan’aretina Covid 19, ka sanatria handrisika antsika hiditra ao anatin’ny fihibohana andiany faharoa araka ny feo mandeha indray.

Pati