Sosialy

Tsena Soamanatombo Tsy misy kolikoly izany, hoy ny lehiben’ny tsena

Sosialy
Zoma 03 Aogositra 2018

Raha niverimberina tamina gazety iray mpiseho isan’andro teto an-drenivohitra tato ho ato fa misy kolikoly ny fizarana tsena ao amin’ny tsenan’i Soamanatombo dia nivoaka tamin’ny fahanginany omaly ny lehiben’ny tsena Atoa Ramananjatovo Dimiherisoa Fidèle.

Nambarany fa tsy tompon’ny tsena akory ireo olona nilaza fa tompony ankehitriny ireo sady tsy zanak’ilay Ramatoa maty izay tena tompon’ny tsena akory. Na dia nanafatra am-bava aza mantsy ity farany fony fahavelony, hoy izy, fa omeny iretsy voalohany ny tsenany rehefa maty izy dia tsy azo hifandovana ny tsena fa tsy maintsy miverina amin’ny kaominina ihany. Ankoatra izay, raha vao tsy misy olona milaza fa hikarakara ny tsena telo volana aorian’ny nahafatesan’ilay tena tompony dia raisin’ny kaominina ihany koa ny tsena ka tafiditra ao ilay tsena tsy hivarotan’ny tompony mandritra ny 15 andro. Ireo antony ireo no nanomezanay mpivarotra hafa nanao fangatahana sy nahafeno ny fepetra notakiana taminy fa tsy misy idiran’ny kolikoly mihitsy. Ny hateren’ny lalana mivoaka sy miditra noho ny hamaroan’ny mpivarotra no olana sedrain’ny tsena ao Soamanatombo ankehitriny.

Pati