Sosialy

Tsena Pochard Tsentsin’ny voridamba ny tatatra

Sosialy
Alarobia 16 Jona 2021

Tsentsin’ny voridamba tanteraka ny tatatra fivarinan’ny rano maloto etsy amin’ny tsena Pochard Analakely

ka niteraka fofona maimbo sy fiparitahan’ny maloto ety ivelany. Tonga teny an-toerana nijery sy nanadio izany omaly ny SMA na ny Société d’Assainissement Municipal, sampandraharaha iray eo anivon’ny kaominina Antananarivo renivohitra. Ankoatra ny tavoahangy plastika sy ny sachet plastika dia anisan’ny nesorina betsaka tao anatin’ilay tata-drano eny an-toerana ireo voridamba sy ny fako maro samihafa nahatonga ny fahatsentsenana. Manentana ireo mpivarotra sy ireo mpampiasa ny tsena araka izany ny SMA mba hikajy ireny foto-drafitrasa iombonana ireny. Mandrora mitsilany ihany mantsy isika manao azy ireny indrindra fa rehefa fotoam-pahavaratra. Betsaka ihany koa ireo karazan’aretina vokatry ny loto ka tokony samy hitandrina ny rehetra.

Pati