Sosialy

Tsarahonenana Antsirabe Tratra ilay mpianatra nanary zanaka tao amin’ny WC

Sosialy
Zoma 06 Novambra 2020

Tovovavy mpianatra iray avy any ambanivohitra vao 17 taona monja no nanary ny zanany velona tany an-davapiringina ny 04 novambra lasa teo tany Tsarahonenana Sahanivotry Antsirabe ka namoy ny ainy ilay tsy manan-tsiny.

Saron’ny zandary any an-toerana ity farany ka nosamborina avy hatrany. Raha tsiahivina kely ny tantara dia niara-nipetraka tamin’ny zandriny ity tovovavy mpianatry ny lisea ity ary nanofa trano izy ireo. Nitondra vohoka nandritra ny 9 volana izy nandritra izany ka teraka vavikely. Raha vantany vao latsaka anefa ilay tsy manan-tsiny dia nofonosiny lamba, nataony tao anaty harona sachet plastika ka nariany tany an-davam-piringa. Olona iray tao anatin’ny fiaraha-monina no nahare io feon-jazakely io nitomany ka niantso ny fokonolona sy ny mpitandro ny filaminana. Raha ny fantatra moa dia niezaka ny nanavotra ilay tsy manan-tsiny ihany ny rehetra saingy tsy naharitra intsony ny ainy.

Pati