Sosialy

Tranombarotra fivarotana finday sy kojakoja Niampy iray indray ny eto an-drenivohitra

Sosialy
Sabotsy 23 Febroary 2019

Mirongatra ny tsy fandriampahalemana eto amintsika. Ankoatra ny sinto-mahery dia mahazo laka ihany koa ny fanendahana.

Noho izay antony izay indrindra dia saika misafidy ny hiantsena amina tranombarotra lehibe ny ankamaroan’ny olona, indrindra fa ny fividianana finday. Antony haneken’ny kaominina Antananarivo Renivohitra ny fanorenana azy ireny izany ho fiarovana ny ain’ny mponina sy ny fananany. Notokanana ny afaka omaly ny tranombarotra IT Station etsy Behoririka izay fivarotana finday sy kojakoja maro samihafa. Tonga nanotrona izany ny solontenan’ny Ben’ny tanànan’Antananarivo Andriamampandry Todisoa. Ny mba hahafahan’ny Malagasy miantsena amina toerana raitra no sady misy mpiambina tahaka izao moa no tanjona, tohanan’ny orinasam-pifandraisana Airtel. Tsiahivina fa ahitana rihina efatra ity tranombarotra vaovao ity manana habe 400 m2 isanisany ka natokana hisakafoanana ny any ambony indrindra. Ho an’ireo mpanjifan’ny Airtel moa dia azon’izy ireo hatao tsara ny mividy puce na finday vaovao miaraka amin’ilay connexion 4 G.

Pati