Sosialy

Tranom-piantohana MAMA Nijoro ny masoivoho tany Fenoarivo Atsinanana

Sosialy
Alatsinainy 09 Martsa 2020

Taorian’ny fanokafana tamin’ny fomba ofisialy ny masoivohon’ny tranom-piantohana MAMA teny amin’ny tobim-piantsonana Maki Andohatapenaka dia nahazo trano fiantohana Mama vaovao ihany koa ny any Fenoarivo Atsinanana.

Tanjona ny hanafahana ny fahasahiranan’ireo mpanjifa mahakasika ny fikarakarana ny fiantohana ny fiarakodia. Tamin’ny faran’ny herinandro teo no nanokanana izany ka hampitombo isa indray ireo mpanjifa mikambana ao amin’ny fiantohana MAMA izay efa tafakatra maherin’ny 304.000 amin’izao fotoana izao. Nanatrika ity lanonana ity ireo olo-manankaja maro, toy ny ben’ny tanànan’ny kaominina Fenoarivo Atsinanana, Masinoraly Stewen Miany izay nanambara fa tombony tanteraka ny fiaraha-miasa amin’ny MAMA ary misitraka izany avokoa na ny orinasa na ny mpitatitra na ny mpanjifa. Nambarany fa sady mariky ny fivoarana no porofo amin’ny fandrosoan’ny tanàna ny fisian’ny fotodrafitrasa manara-penitra sy manaraka ny filan’ny mpanjifa tahaka izao. Tonga tany an-toerana ihany koa ny Tale jeneralin’ny antokon-draharaha misahana ny fitaterana an-tanety eto Madagasikara (ATT), ny Jeneraly Jeannot Reribake izay nanamafy fa vonona hatrany ny ATT sy ny minisiteran’ny fitaterana amin’ny fiaraha-miasa amin’ny MAMA.

Tsirinasolo