Sosialy

Trano fisakafoanana mahandro varika Raikitra ny fanaraha-maso ao Maroantsetra

Sosialy
Alarobia 15 Martsa 2023

Misokatra ny fanadihadiana sy ny fanaraha-maso mikasika ireo trano fisakafoanana voalaza fa mahandro varika any amin’ny distrikan’i Maroantsetra.

Raha tsiahivina tokoa mantsy dia nieli-patrana tao anaty tambajotran-tserasera Facebook ny vaovao mifandraika amin’izany, andro maromaro lasa izay. Voatery nandray fepetra araka izany ireo tompon’andraiki-panjakana any an-toerana koa ankoatra ny varika dia fantatra fa arahi-maso fatratra ihany koa ny biby arovana toy ny sokatra any an-toerana sao sanatria misy mihaza ary manao laoka ka hamidiny amin’ny mpanjifa lafobe. Mbola tsy nisy tratra moa ireo trano fisakafoanana hatramin’ny omaly saingy na izany aza mitohy ny fanaraha-maso azy ireny. Hiharan’ny sazy avy hatrany moa izay tratra hoy ny vaovao koa andrasana izay mety ho tohiny.
Pati