Sosialy

Trangam-piarahamonina Lahiantitra 80 taona tratra nangalatra akoho

Sosialy
Alatsinainy 15 Martsa 2021

Rangahy lehibe 80 taona tratra nangalatra akoho. Toa tsy mampino nefa ity tranga niseho omaly andro alahady tao Beraketa Distrika Bekily ity.

Haingana tokoa dia niely teny amin’ny tambazotra sosialy ny vaovao. Maro ny fanehoan-kevitra nanoloana izany. Sarotra amin’ny maro no nino, raha izao taonany efa loa-jafy izao no mbola hangalatra. Olona efa tokony hisitraka valimbabena ve no mbola hirona amina halatra ? Sa nialoan-kavana nifindra monina noho ny kere, ka tavela ireny an-tanindrazana ? Na izany aza, ity tranga tia dia porofo mitohoka amin’ny tenda fa dia mafy sady efa lalim-paka ny fahantrana eto Madagasikara.

Jean D.