Sosialy

Traboinan’Anosibe Andrefana II Nokarakarain’ny kaominina

Sosialy
Zoma 22 Febroary 2019

Nitondra fanampiana ho an’ireo traboina vokatry ny hain-trano tao Anosibe Andrefana II ny kaominina Antananarivo Renivohitra ny alatsinainy 19 febroary 2019 lasa teo.

Vary, menaka, savony, koveta, seau ary lamba fitafy maro isan-karazany no natolony izay fantatra fa tena ilaina amin’ny fiainana andavanandro tokoa.Delegasioina mafonja no niara-nirodorodo teny an-toerana omaly, izay notarihin’ny talen’ny fiahiana ara-tsosialy, ny Dr Andriantseheno Prisca. Tsy nijanona tamin’izay ny fanampiana ireo traboina fa narahana fizahana ara-pahasalamana, tamin’ny fandefasana ireo mpitsabo eny an-toerana hijery sy hitsabo ireo aretina mety hahazo ireo traboina sy ny eny an-toerana. Nanamafy moa ny teo anivon’ny tanànan’Antananarivo fa tokony hanajanona tanteraka ny fanorenana ireny trano hazo ireny, na aiza na aiza ho fisorohana ny tranga tahaka izao.