Sosialy

Traboina any Bekopaka Miantso vonjy fa tsy misy mpijery

Sosialy
Alakamisy 26 Janoary 2023

Anisan’ny faritra nitondra faisana vokatry ny fandalovan’ny rivo-doza Cheneso ny Faritra Melaky. Ny any Bekopaka no tena lasibatra tamin’izany nahitana tokantrano miisa 10 raha am-polony kosa ireo traboina.

Tsy misy mpijery anefa izy ireo hatreto. Na ny hanina hohanina aza tsy misy hoy ireo tompon’andraikitra any an-toerana raha toraka izany ihany koa ny trano hisitrahany. Miantso ny Fitondram-panjakana araka izany ny mponina mba hijery akaiky ny zava-misy. Fa ankoatra izay dia tapitra maty avokoa ireo fambolena any an-toerana toy ny katsaka, ny vary… koa ahiana ihany koa ny mosary ho an’ity Faritra iray ity. Hatramin’ny omaly moa dia mbola mitampify any amin’izay toerana hahafahany misitrika monja ireo traboina. Misy manan-kavana ihany saingy tsy zakan’ny havany.
Nangonin’i Pati