Sosialy

Tosika Fameno Nisitraka ny anjarany ny faritra Boeny

Sosialy
Alakamisy 03 Desambra 2020

Manodidina 23.000 ireo fianakaviana sahirana hisitraka ny Tosika fameno tany Mahajanga omaly.

Tao amin’ny Paositra Mahajanga Be no nanatanterahana ny fizarana voalohany avy amin’ny PAM (Programme alimentaire mondial) ho an’ny faritra Boeny. Raha ny nambaran’ny solontenan’ny PAM nandritra ny fitsidihany tany an-toerana dia ireo olona vita fanadihahadiana tany aloha, ka maharay Code amin’ny findainy ihany no misitraka ny Tosika fameno, izay lela-vola 100 000 ariary. Ny volana janoary sy febroary 2021 indray ny 100 000 ariary andiany faha-2. Tsara ny manamarika fa i Mahajanga no toerana faha-8 eto Madagasikara misitraka izao tetik’asa Tosika fameno avy amin’ny PAM izao hoy ny solontenany. Tanjona moa ny fampanarahan-dalàna ny olona sy ny hanairana ny sainy hiditra amin’ny ara-dalàna amin’ny maha olom-pirenena feno, hoy hatrany ny fanazavana.

Marigny A.