Sosialy

Tontolon’ny fifandraisan-davitra Hidirana lalina kokoa ny 5G

Sosialy
Talata 08 Oktobra 2019

Taorian’ny fifanaraham-piaraha-miasa notontosan’ireo orinasam-pifandraisana miisa 2 dia ny Telma avy eto Madagasikara sy ny Ericsson natao tatsy Le Caire,

Maraoka, ny 12 jolay lasa teo dia manomboka miditra tsikelikely amin’ny fampidirana ny atao hoe hafainganam-pandeha 5G indray ankehitriny i Madagasikara, raha ny fampitam-baovao voaray momba ny resaka fikirakirana aterineto no asian-teny. Tanjona, raha ny fanazavana, dia ireo toerana tena heverina fa saro-takarina mihitsy no hezahana ho todin’izay « connection haut débit » manomboka hiditra tao aorian’ny 4,5G izay. Hampiakarina indrindra ihany koa ny fahazoana izany amin’ireo finday amin’ny alalan’ireo toerana miisa 2000 manerana ny nosy hiasan’ireto tambajotra ireto. Maharitra efa-taona moa ny fifanarahana manomboka amin’ity taona ity ka hatramin’ny 2023.

J. Mirija