Sosialy

Tontolon’ny fambolena Nanome tohana 824 677 ny FIDA

Sosialy
Alakamisy 08 Oktobra 2020

Nahazo tohana 824 677 dolara Amerikanina avy amin’ny FIDA (Fond Intérnational de Développement Agricole) I Madagasikara, tafiditra ao anatin’ny fanohanana ny RPSF (Relance en Faveur des Populations Rurales Pauvres),

izay tan-tsoroka ho an’ny mponina sahirana eny ambanivohitra. Tetikasa hoenti-manatanteraka ny fandaharan’asa PACPA (Projet d’Appui à la Commércialisation des Produits Agricoles), izany hoe hanohanana amin’ny fahafaha-mampivelatra ny tsena ho an’ny vokatra. Setriny tamin’ny fangatahana nataon’ny Minisiteran’ny fambolena sy ny fiompiana ary ny jono mba hanomezana tosika ny tantsaha miisa 15000 io. Hisy, ohatra, ny fametrahana Ivon-toerana miisa 5 na « centre agribusiness », hovelarina ny ivon-toerana fifanomezam-baovao momba ny tsenan’asa amin’ny alalan’ny fanomezana vahana ny vovonana « Bazarmada », izay eo ambany fitarihan’ny Antenimieran’ny varotra, izay misy 11 eo amin’izao fotoana izao.

Toky R