Sosialy

Tonelina Ambohidahy Zazavavy kely nokendain’ny renibeny saika maty

Sosialy
Alatsinainy 20 Mey 2019

Zazavavy kely iray manodidina ny valo taona no kendain’ny renibeny ny alakamisy hariva teo tao ambanin’ny tonelin’Ambohidahy nandritra ilay fitohanana be iny.

Nihiaka sy ankon’ny ranomaso io zaza io, ilay ramatoabe kosa efa mamo. Nijery fotsiny anefa ny manodidina. Nisy ihany ireo tsara sitrapo nanavotra ity zazavavy kely ity. Rehefa nanontaniana izy dia nilaza fa efa kamboty ray sy reny. Hirahin’io bebeny io mangataka izy ka rehefa tsy mahazo dia voavono tahaka izao hatrany. Mbola nahitana ratra vitsivitsy teny amin’ny tenany. Nentina avy hatrany tany amin’ny hopitaly izy ka nahazo fanafody soa aman-tsara. Ny olana dia zaza efa valo taona izy nefa mbola milanja 10 kg foana. Nentin’ireo olona tsara sitrapo nody aloha ity zazavavy kely ity taorian’ny nivoahany ny hopitaly. Samy nilaza ny tsy afaka mandray avokoa mantsy na ny Centre Vonjy nitondrana azy noho ny andro alina na ny polisy misahana ny zaza tsy ampy taona eny Tsaralalana. Nitady vahaolana ireo olona tsara sitrapo nanavotra azy ka nampidirin’izy ireo eny anivon’ireo toerana fitaizana zaza kamboty ity zazavavy kely iray ity, izay nosafidian’ny mpampita vaovao tsy holazaina ny anarany.

Pati