Sosialy

Tompona karaoke sy bar sasantsasany Miantso ny namany rehetra mba hanara-dalàna

Sosialy
Alakamisy 28 Febroary 2019

Miantso ny fampanarahan-dalàna ho an’ireo rehetra manao asa fitadiavam-bola mitovy aminy ireo tompona karaoke sy bar sasantsasany eto an-drenivohitra.

Araka ny fanazavan’ny ampahany tamin’izy ireo, lalàna efa nipetraka hatramin’izay ilay tsy fahafahana misokatra aorian’ny amin’ny 9 ora alina. Mbola nisy ihany ireo nanjaka tokana ka mivoha mandra-maraina mihitsy satria an’olona ambony. Natao ho an’ny rehetra anefa ny lalàna. Ho an’ireo efa mpanara-dalàna hatramin’izay, nomarihin’izy ireo fa mety aminy izao fampahatsiahivina ny lalàna hataon’ny prefen’ny polisy eto Antananarivo izao hahatonga saina ireo namany hafa. Ho an’ireo mpitandro ny filaminana, fanakatonana avy hatrany no hihatra amin’ireo tratra mandika lalàna ho fiarovana ny ain’ny vahoaka sy ny fananany eto an-drenivohitra.

Pati