Sosialy

Toliara Nafeniny tao anaty armoara ny olon-tiany

Sosialy
Alarobia 27 Mey 2020

Tovovavy kely iray vao 16 taona monja no tsy hita nandritra ny andro vitsy tany Toliara. Tonga nitaraina teny amin’ny polisy misahana ny zaza tsy ampy taona araka izany ny Ray aman-dReniny.

Rehefa natao ary ny fanadihadiana dia fantatra fa efa manana olon-tiana io tovovavy io ka nanahy ireo Ray aman-dreny sao lasa any amin'ilay tovolahy ilay zanany vavy. Avy hatrany dia nanao be midina tany amin’ny tranon’io tovolahy io ny polisy saingy tsy nahita olona. Nahavariana anefa fa nahare feo niantso vonjeo izy ireo ka voatery niditra tao amin'ilay trano. Nandritra izany no nahitana ilay zazavavy tao anaty armoara fasiana lamba. Nokarohina avy hatrany ilay tovolahy ka fantatra tamin’izany fa miara-mipetraka amin-jokiny ity farany. Tsy tao an-tokantranony anefa ireto farany ka nalain’ilay tovolahy io sipany io ary hafeniny isaky ny mivoaka ny tranony izy. Naiditra am-ponja avy hatrany moa ity tovolahy ity raha mbola karohina kosa ireo namany hafa izay fantatra fa niray tsikombakomba taminy.