Sosialy

Toeram-pilanonana lehibe eto Madagasikara Olana ho an’ny artista ny tsy fahampiany

Sosialy
Alatsinainy 17 Jona 2019

Feno hipoka ny Plaza Ampefiloha ny zoma teo nandritry ny kaonseritry ny tarika Kiaka nitondra ny lohateny hoe « Soavaly metaly » ary nifaly havanja tanteraka ny mpakafy ny mozika rock.

Saika hita nanatevin-daharana tao avokoa ny tarika mpiangaly rock Malagasy hafa toa an-dry Green sy ry Tselatra. Manana ny lanjany ny rock eto Madagasikara ary manomboka miverina amin’ny toerany ny lanjan’ny kolontsaina eto amintsika, hoy ny fanazavan’ny mpandraharaha nanohana ny hetsika, Tantely Raboanary Mahefatiana. Mbola olana anefa ny tsy fahampian’ny toerana fanaovan-danonana lehibe tahaka ny any andafy ary saika manerana ny renivohi-paritra dia mbola tena sahirana amin’io. Nankasitraka ny mpankafy sy ireo olona namaly ny antso na izany aza ity mpandraharaha tanora ity.

J. Mirija