Sosialy

Toby famatsian-drano Amoronankona Ho vita amin`ny volana aogositra ny asa

Sosialy
Alakamisy 11 Jolay 2019

Nitsidika ny toerana anorenana toby famatsian-drano madio teny Amoronankona, manamorona ny lalana « By-Pass », omaly ny Sekretera jeneralin’ny governemanta,

Ramatoa Razanadrainiarison Rondro Lucette, hijery ny fandrosoan’ny asa fanamboarana; asa izay tanterahina eo ambany fiahian’ny minisitera misahana ny rano, ary iarahana miasa amin’ny orinasa Jirama. Noho ny fahatongavan’ny Jirama amin’ny fetra fahafahana mamatsy rano, izay niteraka olana ara-pamatsiana amina faritra maromaro eto amin’ny tananan’Antananarivo, dia nampihatra tetikasa fanamboarana fotodrafitrasa ho an’ny fahamehana, hanampiana amin’ny famatsian-drano, ny governemanta, ka io no heverina hamahana ny olana ao anatin’ny fotoana fohy. Araka izany dia hamatsy an’ireo faritra tsy ampy rano eny Ambohimangakely ity toby ity, ary vinavinaina ho vita amin’ny faran’ny volana aogositra ny asa rehetra. Inoana fa tena hitondra voka-tsoa mivaingana eo amin’ny fiainam-bahoaka izao fanapahan-kevitra noraisina izao, ary raha toa ka mety, dia hampiasaina amin’ny faritra rehetra eto an-drenivohitra.

Marigny A.