Sosialy

TOBIN’NY ZAZA MADITRA Zazalahy 115 no harenina ao Anjanamasina

Sosialy
Alatsinainy 22 Jolay 2019

Miisa 115 amin’izao ireo zazalahy nania beazina ao amin’ny toby Anjanamasina eny Ambohidratrimo.

Maro amin’izy ireo no nanao heloka bevava raha misy ihany koa ireo nanao heloka tsotra. Ny fitsarana misahana ny ankizy no nametraka azy ireo eny an-toerana izay marihina fa afaka mianatra ara-dalàna sady afaka miatrika ny fanadinam-panjakana toy ny CEPE sy BEPC ihany koa. Efa misy ao an-toerana mantsy ny taona voalohany ka hatramin’ny fahafito. Toraka izany koa ny taona fahenina ka hatramin’ny fahasivy ankoatra ny fanofanana arak’asa ho an’ireo izay tena mila izany. Nisy ny sabotsy teo ny fitsidihana nataon’ny fikambanana Ank’Izy teny an-toerana. Ankoatra ny fanomezana sakafo azy 115 lahy ireto dia nampilalaovina ihany koa izy ireo hahafahany miala voly raha nolokoina ihany koa ny trano ipetrahany. Tsiahivina moa fa fikambanana tanora afaka baka mpanao asa soa ny fikambanana Ank’Izy izay mitsinjo manokana ireo niangaran’ny vintana eto amintsika.

Pati