Sosialy

Toamasina Vazahalahy matin’ny fanafody mampihenjana filahiana

Sosialy
Alarobia 29 Mey 2019

Vazahalahy iray manodidina ny 77 taona no hita faty, tao amina hotely iray ao Morafeno Toamasina ny sabotsy 25 mey lasa teo.

Ireo mpanadio trano tao amin’ilay hotely no nahita ny vatana mangatsiakany izay efa takon-kenatra fotsiny sisa no teny an-kodiny ary mbola teo am-pandriana. Teratany Belza efa misotro ronono izy io ary efa mpivantana matetika ao. Raha ny fantatra, teo am-pandriana sy teny an-tanany ny fanafody nohaniny, izay karazany mampihenjana filahiana, raha ny filazan’ny dokotera avy eo amin’ny BMH, nizaha ny razana. Efa nalain’ireo teratany Belza namany hafa ny razana, hatramin’ny fotoana nanoratanay.

Pati