Sosialy

Toamasina Renivohitra Miparitaka ny vola sandoka 10.000 ariary

Sosialy
Zoma 28 Septambra 2018

Ireo mpivarotra “friperies” indray no tena lasibatra amin’ny resaka vola sandoka ka ireo vola 10.000 ariary izay sarotra ny manavaka azy amin’ny tena izy noho ireo laharam-bola samy manana ny azy sy ny endriny mitovy amin’ny vola tena izy no miparitaka ao Toamasina ankehitriny.

Mpivarotra “friperies” iray ao Ambolomadinika no tratran’ny vola sandoka mitentina 200.000 ariary amin’ny vola sandoka 10.000 ariary ny talata hariva teo. Mandritra ny fanaovan’ireo mpivarotra “friperies” ilay antsoina hoe “vaky balle” izay maha be mpividy miady lamba iny indrindra no anapariahan’ireo mpanaparitaka ity vola sandoka ity izany. Efa eo am-pelatanan’ny polisy ny raharaha ankehitriny dia ho hita eo ny tohiny. Manahy anefa ny ankamaroan’ny olona ao Toamasina fa sao vao miha hirongatra ny fiparitahan’ny vola sandoka rehefa ho avy eo ny propagandy manomboka ny 8 oktobra. Miantso fahamailoana ho an’ny rehetra mpikirakira vola ny polisy izao.

Rakoutou