Sosialy

Toamasina Hitaky fanampiana ihany koa ny mpitondra Kamiao

Sosialy
Alarobia 01 Aprily 2020

Hisy ny hetsika ho tontosain’ireo mpitondra kamiao ao Toamasina amin’ity anio ity, raha ny fampitam-baovao avy any an-toerana.

Nanatontosa fivoriana izy ireo omaly hanapahana ny ora sy toerana ary ny fitakiana ho atao. Raha ny fanazavan’ny mpitondra tenin’izy ireo, Joelson Rakotoarisoa, dia hisy ny fanambarana ho fangatahana fanampiana amin’ny fitondram-panjakana toy ny an’ny mpitatitra rehetra koa mba ho azy ireo hahafany miatrika izao fihibohana an-trano vokatry ny Coronavirus izao. Anio maraina moa, raha ny fanazavana hatrany, no hampahafantaran’izy ireo izay fangatahany izay amin’ny fitondram-panjakana.

J. Mirija