Sosialy

TOAMASINA Hita omaly ny razan’ílay tovolahy lasan’ny ranomasina

Sosialy
Talata 11 Febroary 2020

Omaly maraina vao hita ny vatana mangatsiakan’ilay lehilahy iray manodidina ny 21 taona lasan’ny ranomasina teo akaikin’ny camp Miaramila ao Toamasina ny alahady 09 febroary teo.

Raha araka ny vaovao azo dia telolahy izy ireo no niaraka saingy ity tovolahy iray ity no nanjavona tampoka ary rehefa nokarohina dia tsy hita mihitsy raha tsy ora maromaro taty aoriana. Avy any Antsirabe izy ireo raha ny fantatra ary tonga hitady asa no anton-diany tany Toamasina saingy izao nafoiny hatramin’ny ain-dehiben’ilay iray izao. Nomarihin’ireo tompon-tany sy zana-drano any an-toerana moa fa tena masiaka ny rano eo amin'io faritra nahafatesan’ilay tovolahy iray ity. Efa misy mihitsy ny plaky mampahafantatra izany ho an'ny rehetra saingy indrisy.