Sosialy

TIM K 25 Boriboritany fahaefatra Miasa na tsy mbola anaty fitondrana aza

Sosialy
Sabotsy 02 Martsa 2019

Manoloana ny fitarainan’ireo mpanjifa sy mpitatitra eo anivon’ny toeram-piantsonana eny amin’ny Fasan’ny Karana izay ahitana fako misavovona mety hiteraka aretina sy ny asa fanao

andavanandro dia nidina ifotony teny an-toerana ny solontenan’ny mpikambana eo anivon’ny TIM K 25 notarihan’ny kolonely Emilien Ramboasalama sy ireo ekipa vitsivitsy ny alatsinainy 25 febroary 2019 teo. Hatsaraina ny toeram-piantsonana, raha ny fanazavana. Nalana tamin’ny alalan’irony fiarabe irony moa ireo fako ary nentanina hitandro ny fahadiovana ireo mponina. Hitohy ny fanatsarana sy fanadiovana ao amin’ny boriborintany fahefatra, hoy ny kolonely, ary hiparitaka amina fokontany maro ny tetikasa ho fiombonana amin’ireo mponina ho famahana ny olana sedrainy.

J. Mirija