Sosialy

Tetikasa Tanamasoandro Fianakaviana 146 no efa nanaiky hivarotra ny taniny

Sosialy
Alakamisy 09 Janoary 2020

Fianakaviana miisa 146 hatreto no fantatra fa efa nanaiky ny hivarotra ny taniny amin’ny Fitondram-panjakana mikasika ny fanatanterahana ilay tetikasa Tanamasoandro izay hatomboka etsy Ambohitrimanjaka.

Raha araka ny fanazavan’Atoa Rateloson Philippe, tale jeneralin’ny APIPA izay tompon’andraikitra ao anatin’izany dia tsy nisy ny fifampiresahana be teo amin’ny roa tonta saingy ireo vahoaka kosa no tonga nanatona tetsy Andohatapenaka misy ilay « guichet unique » natsangana tamin’izany fotoana. Nitondra ny taratasy maha-azy ara-dalana ny tany ireto farany nandritra izany no sady nanadihady ihany koa toa ireo mponin’Itaosy izay fantatra fa mety ho lasibatra amin’ny fanatanterahana io tetikasa io ihany koa. Fantatra ary fa afaka roa herinandro eo ho eo no handoa ny volan’izy ireo ny Fitondram-panjakana. Nambaran-dRateloson Philippe hatrany moa fa hisy ny fananganana ilay “Commission administrative d’évolution” ato ho ato hiandraikitra ny mety ho tohin’ny raharaha miampy ilay “guichet unique” vaovao ahitana ny sampandraharaha rehetra toy ny sampan-draharahan’ny fananan-tany, ny ministera isan-tsokajiny.

Pati