Sosialy

Tetikasa 930 Hiatrehana ny loza voajanahary

Sosialy
Zoma 20 Septambra 2019

Notoloran’ny Fondation Telma fitaovana manaraka ny toetrandro ny fikambanana Medair hanampy amin’ny fanatanterahana ny tetikasa 930 izay ahafahana manaitra mialoha ny olona raha sendra tojo loza voajanahary.

Manamarika ny faritra Avaratra Andrefanan’i Madagasikara iny ny fisian’ny tondra-drano na dia tsy misy rivodoza matetika aza. Noho izay indrindra dia miisa 58 ny finday miaraka amin’ny puce, 5 ny tablettes nomena ny fikambanana Medair. Tanjona ny hanampiana ny mponina mipetraka any amin’ny distrikan’Ambanja, izay nosafidiana manokana noho ny tondra-drano mateti-piavy any mba ahafahan’izy ireo miatrika am-pitoniana izany ary mandray ny fanairana mialoha, mandritra ary aorian’ny loza. Ny fikambanana Medair dia misahana ny fanampiana amin’ny lafiny maro amin’ny fiatrehana ny tondra-drano. Miara-miasa amin’ny Birao Nasionalin’ny Fitantanana ny Loza Voajanahary (BNGRC) sy ny Fondation Telma izy ireo ary misehatra any amin’ny toerana marefo indrindra indrindra.

Tsirinasolo