Sosialy

Tetibola hiatrehana ny fety 50.000 Ar ny farany ambony ho ana tokantrano maro

Sosialy
Alarobia 12 Desambra 2018

Roa herinandro latsaka sisa dia higadona ny fetin’ny Noely sy ny faran’ny taona.

Fety manan-danja tokoa izy ireo ho an’ny isan-tokantrano ka tsy vitsy ireo mandany volabe tokoa hahafahany mampifaly ny ankohonana, indrindra fa ny ankizy. Ho an’ny sasany dia misy tetibola manokana mihitsy izy io isan-taona miaraka amin’ny fialan-tsasatra kely mialoha ny hitsenana ny taova vaovao 2019. Tamin’ity taona ity anefa dia mifanohitra amin’ny zava-misy niainan’ny hatramin’izay no misy. Tsy manana tetibola manokana hiatrehana ny fety ny ankamaroan’ny tokantrano Malagasy. Raha misy aza dia 50.000 Ar monja noho ny hasarotan’ny fiainana sy ny olana maro samihafa. Anisan’ireny ireto olona sendra ny gazety Tia Tanindrazana ireto.

Rtoa Nivo, renim-pianakaviana niteraka roa : Ny anay tena tsy misy mihitsy ny tetibola. Efa hiantohan’ny orinasa daholo ihany koa amin’ny ankapobeny ny vary, ny menaka, ny sôkôla, ny vatomamy, ny bisikoitra, ny vorona. Mikasika ny kilalao indray efa lehibe daholo ny ankizy dia tsy mividy intsony izahay.

Hasina, mbola mpitovo : Ny anay tena tsy misy tetibola manokana izany rehefa fety. Raha manokana angamba dia eo amin’ny 50.000 Ar eo hividianana kilalao ho an’ny ankizy sy ranom-boankazo dia hanaovana laoka tsaratsara. Rehefa fety mihitsy vao mividy dia hita eo izay lany.

Pati