Sosialy

Taxi-be Mbola nisy ihany ireo mafy loha

Sosialy
Talata 24 Martsa 2020

Na dia efa voarara tsy hiasa aza ireo karazam-pitateram-bahoaka eto Antananarivo renivohitra dia tsikaritra mbola nisy nanohy izay asany an-davan’andro izay ihany ireo fiara mpitatitra eto an-drenivohitra ny 23 martsa 2020 teo.

Tsy fanaraham-baovao ve no antony sa noho ny tsy fahampiana, sa tena fahamafisan-doha tsotra izao? Ny Taxi sy ny Taxibe moa no tena tsikaritra ho tena voasarika tao anatin’izany. Mazava ho azy rehefa nisy ny fiara dia nifandrombaka nisiska ireo olona nandeha vao maraina.Rehefa niroso teny ny ora dia nirotsaka an-tsehatra ny mpanara-maso sy ny mpitandro filaminana ary hita ho nihena ary avy eo tsy nisy intsony ihany ireo fiara fitateram-bahoaka.Tsikaritra kosa anefa fa mbola nisy ireo taxi moto niantsoantso olona tamina toerana vitsivitsy teto Antananarivo, tany amin’ny mitatao vovonana tany omaly.Niala tsimoramora ihany koa izy ireo avy eo rehefa nanao be midina ny mpitandro filaminana, izay tsy misangy mihitsy.

J. Mirija