Sosialy

Tavoahangy plastika Tena manimba tontolo iainana, 900 taona vao levona

Sosialy
Alakamisy 21 Novambra 2019

100 ka hatramin’ny 900 taona vao levona ny tavoahangy plastika iray raha haparitaka fotsiny eny rehetra eny.

Any amin’ny taranaka faha-16 aorian’ireo misy ankehitriny izao no mbola hizaka ny voka-dratsin’izany, antony nanosika ny orinasa Star sy ireo mpiara-miombon’antoka maro miaraka aminy hanatanteraka ilay tetikasa Kopakelatra. Omaly no nampahafantarana izany tamim-pomba ôfisialy ka fantatra fa toerana 24 isa no hametraka ireny dabam-pako fanariana tavoahangy plastika ireny. Anisan’izany ny eny amin’ny digy, Talatamaty, Ankorondrano, Ambatobe, Tanjombato… miaraka amin’ireo toeram-pivarotana lehibe. Izany no hatao dia hiarovana ny tontolo iainana tsy ho potika, indrindra fa ny sehatry ny famokarana izay tena hilofosantsika eto Madagasikara. Tsy ho latsa-danja amin’izany ny ady amin’ny fiparitahan’ny loto hananan’ny isam-baravarana fahasalamana. Manomboka any amin’ny ankizy madinika moa no hanaovana ny fanentanana mba tsy ho zatra hanary fako sy tavoahangy plastika eny rehetra eny.

Pati