Sosialy

Taribin’ny Jirama nilatsaka Olona roa indray matin’ny herinaratra

Sosialy
Alatsinainy 17 Febroary 2020

Zandary iray nitondra moto avy namita iraka tany avaratry ny distrika Ambatondrazaka,

izay nihazo ny lalana eo Vohitsara no tra-doza tampoka noho ny fahatapahan'ny tariby mitondra ny herinaratry ny jirama. Nipitika ilay “fil” na tariby ka nahazo ny tendan’ilay zandary . Olona roa izy ireo no teo ambony moto saingy ilay olona nentiny nipitika nilatsaka tao anaty tatatra fa izy kosa tsy afa nihetsika fa dia niraikitra tamin'ilay tariby nisy herinaratra mahery vaika. Nisy tovolahy iray nahatsikaritra an'iny dia saika hampandre kibôta iray saika handalo teo kinanjo nisy tariby takon’ny ravin-kazo tsy hitany ka nahavoa azy ary dia maty teo koa io tovolahy io. Efa matetika no mitera-doza ireo tariby mitarika herinaratra jirama ireo ka tokony hijerena vahaolana indrindra fa ny mahasahana ireo andrin-jiro hazo izay efa marefo ka mianjera na mihetry ny tany dia manapaka ilay tariby tahaka ity tranga tao vohitsara Ambohitsilaozana ity.

Niry A