Sosialy

Tany sy vato nihotsaka teny Tsimialonjafy Razana roa sisa no karohina

Sosialy
Alakamisy 24 Janoary 2019

Razana roa hatramin’ny omaly no hita teny Tsimialonjafy taorian’ny fikarohana nataon’ireo vondron-kery maro samihafa nahitana ny tafika, ny skoto, ny tily sy ny Antily, ny FID.

Ny iray ilay zazakely vao efa-taona monja. Lehilahy lehibe iray tavela tao ambony rihina kosa ny iray. Omaly antoandro ity farany no hita. Efa nisy iray tazana ihany koa saingy mbola tany anaty tany lalina mirefy 1 metatra, raha ny fanazavan’ny Kapiteny Nirina Enselme, tompon’andraikitra eo anivon’ny zandarimariam-pirenena. Efa nisy ra sy potika atidoha niparitaka ihany koa teny amin’ny manodidina io razana io, raha araka ny fanazavany, antony tsy nampanano sarotra ny fikarohana azy. Tsy marina ny filazan’ny olona sasany fa tsy miasa izahay, hoy izy. Marobe ireo olona mifanome tanana amin’ny fikarohana ny razana. Mikasika ny fampiasana ireo fitaovana raitra toy ny pela mekanika manokana dia nomarihiny fa vita ary azo hatao tsara izany raha mety ny lalana saingy tsy hahafahan’ny fitaovana toy ireny miditra ity toerana nisy ny fihotsahan’ny tany ity, hoy hatrany izy.

Pati