Sosialy

Tantsaha 200 isa Nomen’Ambatovy zezika biolojika 30 taonina

Sosialy
Alatsinainy 02 Martsa 2020

Tantsaha mpamokatra Sakay sy Sakamalaho miisa 340 mivondrona ao anaty fikambanana tantsaha miisa 15 eo avy amin’ny

kaominin’Ambanivohitr’Ambohibary, Ambatovola, Morarano gara, Andasibe ary Beforona, ao amin’ny distrikan’i Moramanga no nisitraka ny fanampiana avy amin’ny orinasa Ambatovy ao an-toerana. Ho fandraisana anjaran’ity orinasa mpitrandraka Nikela sy Kaobalita ity amin’ny fanatsarana ny fidiram-bolan’ireo tantsaha, raha ny fanazavana, no antony. Isan’izany ny fampiofanana tekinika sy famatsiana masomboly ary zezi-pahitra. Mikasika ny fokontany Ampitambe, Ambohimanarivo, Mangoro, Morarano ao amin’ny kaominina ambanivohitra Morarano gara sy Ambohibary moa dia tantsaha manodidina ny 200 isa no nomena zezika biolojika 30 taonina eo ampiasaina amina velarantany mirefy 30ha amin’izao fihariana vaovao izao, hoy hatrany ny voambara. Masomboly 23 taonina kosa no nomena ireo tantsaha manodidina ny 120 isa hamboly amina velarantany 11ha eo ao Andasibe.

J. Mirija