Sosialy

Tanora mpianatra Hofanina ho mpandraharaha fa tsy hitady asa fotsiny

Sosialy
Alatsinainy 25 Febroary 2019

Betsaka amin’ireo tanora mpianatra nahavita fianarana eto amintsika amin’izao no tsy mahita asa akory.

Noho ny fahateren’ny tsenan’ny asa no mahatonga izany ankoatra ny tsy fahampian’ny traikefa sy ny tsy fahafolahana ny tenim-pirenena vahiny. Anisan’ny manao ezaka goavana iadiana amin’izany ny sekoly ambony GSI Madagascar izay manana ny foiben-toerany etsy Antaninarenina. Raha ny nambaran-dRandrianaivo Herizo Nina, anisan’ireo tompon’andraikitra voalohany eo anivon’ity sekoly ambony ity mantsy dia hofaninana ho mpandraharaha afaka hanangana orinasa ho an’ny tenany mihitsy ireo mpianatra mivoaka ao amin’izy ireo fa tsy hitady asa fotsiny ihany. Tamin’ny faran’ny herinandro teo, ohatra, dia nisy ny kaonferansa lehibe niarahan’ireo mpianatra ao amin’ny lalam-piofanana informatique de gestion tamin’ireo matihanina ka nisy ny fampisehoana momba ny robot notanterahin’izy ireo. Nisy ihany koa ny fampisehoana traikefa notanterahin’ireo mpianatra ao amin’ny serasera niarahany tamin’ireo matihanina ireo mba hahafahany maka traikefa amin’ny ho avy. Tsiahivina moa fa miisa valo ireo lalam-piofanana ao amin’ny GSI ankehitriny ka ny informatique électronique et télécommunication sy ny tourisme, voayge et hotellerie no vaovaobe amin’izany.

Pati