Sosialy

“Tanora Manova Rasa” Hiaro ireo 90 %-n’ny Malagasy mahantra

Sosialy
Alarobia 17 Oktobra 2018

Namoaka ny andiany voalohany ny Tanora Manova Rasa ( TMR) izay miara-miasa akaiky amin’ny “Friederich Ebert Stiftung”.

Tetsy amin’ny CGM Analakely no nanatanterahana ny lanonana omaly ka nahafantarana fa nianatra nandritra ny 12 volana izy 20 mianadahy navoaka ireto. Anisan’ny nanofanana azy ny asa famohazana ireo valalabemandry na ny 90 %-n’ny Malagasy izay miaina ao anaty fahantrana na hiharan’ny tsindry hazolena. Haka fahefana amin’ny alalan’ny demokrasia tsy misy herisetra izy ireo aorian’izao fivoahany izao ary hanova rasa ihany koa. Tanjon’ny TMR moa ny hiady amin’ny fahantrana eto Madagasikara ary hanova ny rafitra misy mihitsy hahafahan’ny rehetra misitraka ny harem-pirenena ara-drariny. 25 mianadahy izy ireo no nanaraka ny fiofanana tany am-piandohana saingy 20 sisa no nahavita hatramin’ny farany.

Pati