Sosialy

Tanora manampahaizana Mitombo isa ireo mirona amin’ny asa tenany

Sosialy
Alatsinainy 29 Oktobra 2018

Betsaka ireo tanora tsy mihevitra ny handalina fianarana akademika lavabe intsony aorian’ny fahazoany ny maripahaizana Bakalôrea fa mirona avy hatrany any amin’ny fanofanana arak’asa.

Ny mba hahafahana manokatra orinasa ho an’ny tenany manokana hahafahan’izy ireny mampidi-bola haingana no tena tanjony amin’izany na lahy na vavy. Anisan’ny mamokatra ireny karazana tanora ireny ny sekoly ambony Euroi eny Ampasampito. Mpianatra 30 mianadahy no navoakany notolorana ny maripahaizana licence sy ny Digem ( diplôme d’ingeniorat en genie electronique manager). Nianatra manokana momba ny eletronika miaro informatika sy telecommunication izy ireo raha ny maripahaizana baka teknika sy ny sokajy C sy D kosa no notakiana taminy. Maro tamin’izy 30 mianadahy ireto ny hanokatra orinasa ho an’ny tenany manokana avy hatrany ka anisan’ireny ny fanokafana sitweb, asa anisan’ny tena mahazo vahana tokoa eto amintsika ankehitriny.

Pati